فارما جو - د. محمد ابوعصب

 

 

جميل منكم الاستمرار بالاستخفاف بعقول الزملاء الصيادلة....

ممكن تحكولنا ليش تم الشكوى على الصفحة؟

وليش تم الابلاغ عنها؟

شو المخالفات والتجاوزات التي ارتكبها القائمين على الصفحة حتى تغلقها ادارة الفيسبوك؟

ما العلاقة بين وصول عدد المشتكين بالصفحة لثلاثة آلاف ولا حتى عشرة آلاف وبين إغلاقها؟

يعني هيكم عم تستخدموا شعار النقابة مخالفين بذلك حقوق الملكية الفكرية وممكن يوجهلكم انذار بإغلاق الصفحة ....ولا هي صفحة رسمية تابعة للنقابة عشان تستخدموها في محاولة بائسة لتجميل وجه وشكل النقابة في عيون الصيادلة واستدرار العطف والمديح لعطوفة النقيب الليمقطع حاله في تحقيق انجازات للصيادلة وبدكم تحملونا جميله على دوره الذي انتخب من أجله...!!!.

شو متوقعين يعني من أي نقيب يتم انتخابه أنه جاي على حفلة تنكرية مدتها سنتين ولا هيك طموحكم بيتوقف عند انه مش مقصر وماشي إلى الأمام.....يا محلاه وهو مفكر هو ولا غيره في المجلس انه مسموحله يرجع للخلف أصلا...ولا حتى مسموحله يتوقف محله دون تقدم...!!!.

وبعدين من يقرأ تعليقاتكم يحس أن الإنجازات عم بتتساقط على الصيادلة مثل المطر المنهمر دونما انقطاع وانه صارت الانجازات ما تفارقنا , بصراحة زهقنا انجازات ولازم نريح نقيبنا شوي ونرسلة في رحلة استجمام لدورة انتخابية ثانية....ويعني يا نائب رئيس اللجنة الفرعية لصيادلة اربد ممكن تفصل للزملاء شو عملت لجنتكم لتصحيح مسار التجاوزات والمخالفات والقوانين المضروب بها عرض الحائط في اربد...؟؟؟

وشو هالخدمات والرفاهية المقدمة من قبلكم عن قرب للصيادلة وهي حقوق مكتسبة لهم ويجب أن يحصلوا عليها !!!.

لأني كمان عضو نقابة زيك وعضو في عدة لجان نقابية ورئيس لصندوق التكافل الجماعي للصيادلة الأردنيين وما بعرف شو في خدمات جوهرية يحصل عليها الصيدلي....!!!.

ولا لنكون صرنا نتبع نقابة المهندسين ولا الزراعيين واحنا مو دريانين....
a